City of Victory – The Rise and Fall of Vijayanagara

5.00 out of 5 based on 1 customer rating
(1 customer review)

160.00

20 in stock

Compare

Description

The book traces the founding, rise and fall of the great empire. It looks at the contribution of the four great ruling dynasties- Sangama, Saluva, Tuluva and Aravidu. And finally it also looks at what happened after the disastrous battle of Tallikota.

1 review for City of Victory – The Rise and Fall of Vijayanagara

  1. 5 out of 5

    :

    నిజం చెప్పాలంటే ఈ పుస్తకం చదవక ముందు వరకు విజయనగర సామ్రాజ్యం గొప్పది అని తెలుసు కానీ ఎంత గొప్పదో ఈ పుస్తకం చదివిన తర్వాతే తెలిసింది. విజయనగర సామ్రాజ్యం అంటే “శ్రీకృష్ణ దేవరాయలు” మాత్రమే అనుకున్న నాకు “కంపరాయ” “వెంకటపతి దేవరాయ” లాంటి వారి గురించి కూడా తెలుసుకొనే అవకాశం దొరికింది.

    ఈ పుస్తకం లో నాకు నచ్చిన అంశాలను ఒక్కొక్కటి మీతో పంచుకుంటున్నాను
    మొదటిది ఈ పుస్తకం చాలా సరళమైన భాషలో అందరూ అర్ధం చేసుకొనేలా రాయడం జరిగింది. ఇదేదో ఒక కట్టుకథలా కాకుండా జరిగిన ప్రతిసంఘటనను తీసుకున్న ఆధారాలతో సహా వివరించారు

    ఏదైనా చరిత్ర మాట్లాడేటప్పుడు అది ఎలా మొదలైంది అని చెప్తారు కానీ ఈ పుస్తకంలో విజయనగర సామ్రాజ్యం మొదలవక ముందు తురుస్కుల మొదటి దండయాత్ర నుంచి విజయనగర సామ్రాజ్య స్థాపన వరకూ మన దేశంలో ఉన్న పరిస్థితులు సంక్షిప్తంగా చాలా బాగా వివరించారు.

    ఈ పుస్తకంలో ఉత్తర భారతదేశం మొత్తం మొఘల్ పాలకుల కౄరత్వంతో తడిసి ముద్దవుతున్న సమయంలో దక్షిణ భారతదేశంలో సనాతన ధర్మాన్ని కాపాడిన ఒక గొప్ప హిందూ సామ్రాజ్యం “విజయనగర సామ్రాజ్యం”.

    విజయనగర సామ్రాజ్య స్థాపకులు హరిహరరాయలు, బుక్కరాయలు. వాళ్ళ మతమార్పిడి పై ఉన్న అపోహలు, శ్రీ విద్యారణ్య స్వామి ఆశీస్సులతో సామ్రాజ్య స్థాపన. విజయనగరం కు ఆపేరు ఎందుకు వచ్చింది అన్న అంశాలు వివరించారు.

    నచ్చిన ఇంకో అంశం శృంగేరి పీఠం దాని చరిత్ర కూడా పొందుపరచి, అసలు విజయనగర సామ్రాజ్య స్థాపనలో ఒక పీఠాధిపతి దూరదృష్టి దీనిలో తెలుసుకోవచ్చు. అదేవిధంగా ఇప్పటికి శృంగేరి పీఠాధిపతులకు “కర్ణాటక రాజ్య స్థాపన ఆచార్య ” అని ఎందుకు పిలుస్తారో కూడా ఈ పుస్తకం చదివి మీరు తెలుసుకోవచ్చు.

    సంగమ, సాళువ, తుళువ లాంటి విజయనగం పరిపాలించిన వంశాలు గురించి వివరించారు. అన్నింటి కన్నా నాకు ఈ పుస్తకంలో కనిపించిన మంచి అంశం ఈ రాజుల గొప్పతనమే కాక వాళ్ళ లోపాలను కూడా నిర్ద్వందంగా ఎత్తిచూపి ప్రతి అపజయం వెనుక ఉన్న లోటుపాట్లు కూడా చూపించారు.

    మెరుపు, ఉరుముల్లాంటి ఇద్దరు “కంపరాయులు” అతని భార్య “గంగాదేవి”.
    ఆ మహాతల్లి “మధురా విజయం” రచన. కంపరాయుని విజయాలు తప్పక చదవాల్సిన అంశాలు.

    సాళువ నరసింహరాయ అతను పశ్చిమ తీరంలో మంగళూరు, భత్కల్ లాంటి వాణిజ్య నగరాలను గెలిచిన విధానం,
    “రామాభ్యుదయం” లాంటి సంసృత కావ్యాల రచన వాళ్ళ కాలంలో కళలు, భాషా సాంస్కృతులకు చేసిన సేవలు వివరించారు. కన్నడ కవి కవిలింగ లాంటి వారిని ఆదరించడం. విజయనగర రాజుల కాలంలో అన్ని మతాలను, వివిధ సంప్రదాయాలను ఎలా గౌరవించారో చాల చక్కగా వివరించారు. వాస్కొడా గామ దురాగతాలను కూడా ఈ పుస్తకం ద్వారా ఎండగట్టారు.

    ఇక విజయనగర సామ్రాజ్యానికి కీర్తికి మూలస్తంభం లాంటి శ్రీకృష్ణదేవరాయలు, అతని ఆదర్శపాలన మీరు చదవాల్సిందే.
    నాలాంటి తెలుగు అభిమానులకు పంచభక్ష భోజనం లాంటి ఒక అధ్యాయం “తెలుగు సాహిత్యనికి స్వర్ణయుగం” లో శ్రీకృష్ణదేవరాయుల కాలంలో తెలుగుభాషాభివృద్ధి అష్టదిగ్గజాలు పోతన,కుమారవ్యాసుడు లాంటి కవుల గురించి. సంస్కృతము ఎలా వికసించిందో లాంటి చాల వివరాలు ఉన్నాయి .

    విజయనగర సామ్రాజ్య శిల్పకళా వైభవము, విజయనగర సామ్రాజ్య రాజకీయ, వాణిజ్య, పాలనా వ్యవస్థలు వాళ్ళు పనిచేసిన విధానం మన పూర్వీకుల గొప్పతనం కూడా వివరించారు.

    విజయనగర సామ్రాజ్యం ప్రత్యర్థులు ఎవరు?
    వాళ్లతో ఎలాంటి యుద్దాలు జరిగాయి..
    వ్యూహ-ప్రతివ్యూహాలు…
    బలాబలాలు మొదలైన అంశాలు ఈ పుస్తకం చదివి తెలుసుకోవాల్సినవే…

    చివరిగా తళ్లికోట యుద్ధం,విజయనగర సామ్రాజ్య పతనానికి దారితీసిన అంశాలు.
    తళ్లికోట యుద్ధం తర్వాత హిందూ ధర్మాన్ని నిలబెట్టి, తెలుగు లాంటి బాషల వైభవం కాపాడి. “దేశభాషలందు తెలుగు లెస్స” అని చాటిచెప్పిన ప్రపంచంలోనే ఒక గొప్ప గొప్ప కట్టడాలతో, సాంసృతిక, ఆర్థిక పరంగా ఒక మహాధనిక సామ్రాజ్యం అంతరించిపోయిందో చెప్పారు.

    చదవడం పూర్తైన తర్వాత నిజంగా చెప్పాలంటే నాకు మహానటి సినిమాలో చూపించిన సావిత్రిగారిలా ఒక వైపు ఇంతటి మహా సామ్రాజ్యం ఇలా అంతమైందా అని కన్నీళ్లు… ఇంకోవైపు ఇంతటి మహాసామ్రాజ్యానికి మనం వారసులం అనే గర్వం తో నా ఈ విహంగ వీక్షణం ముగిస్తున్నాను.

Add a review